Teño o corazón senlleiro
e orfo na noite fría.
e orfo na noite fría.
Non importa, agardaréi
polo albor do novo día.
polo albor do novo día.
Teño lobos, teño sombras,
teño a sorte fuxidía.
teño a sorte fuxidía.
Non importa, agardaréi
polo albor do novo día.
polo albor do novo día.
Está mudo o reixiñol
que outrora cantar solía.
que outrora cantar solía.
Non importa, agardaréi
polo albor do novo día.
polo albor do novo día.
Que está comigo a esperanza,
fiando, fía que fía…
fiando, fía que fía…
Ela fía i eu confío
no albor do novo día.
no albor do novo día.
.- De Viaxe ao País dos Ananos.
- Celso Emilio Ferreiro, Escolma poética (trece poemas). Imaxes deBaldo Ramos.
